تلطيشات كل شاب لبناني بقولها بس يشوف بنت حلوة!

الشاب اللبناني معروف بهضامته وبقدرته على شد الصبايا، بأغرب الطرق.
رح نكتب بعض التلطيشات يلي بقولها الشاب اللبناني بس تعجبه صبية حلوة ويقرر يتقرب منها:

• كل العالم مركاسيلا إلا إنت نوتيلا
  ملاحظة: المركاسيلا هو متل النوتيلا بس طعمته حمص !
• انت بيك تاجر أسلحة شي؟ لأنك صاروخ
  ومن المتوقع انو البنت تمسك الكف وتلقحه على وجهه من بعد هيك غزل.
• انا رفيقه ليوسف وهو هلق بالمستشفى، وعم ينادي بإسمك، حتى هو ومريض عم يعبر عن حبه إلك
  مع إنو بالكاد البنت بتعرفه.
• فينا نحكي واتساب؟ المسنجر عم يعلق.
  ما بعرف شو العلاقة بين الإعجاب والواتساب.
• هاي, هاي, هاي, كيفك, بدي احكيكي, بدي خبرك شي, إنت كتير حلوة, ما بدك تردي؟, ليش شايفة حالك وحدة مغرورة, آخر مرة بحكيكي.
  وبيرجع تاني نهار بيحكيها من أول وجديد وبعيد نفس الحكي، لحد ما ياكل بلوك على فايبسوك.
• بتعرفي انو عيونك كتير حلوين؟ مش حرام هودي العيون يسهروا لحالن؟
  طيب انت شو دخلك اذا بيسهروا لحالن او لا!!!