تصرفات ونهفات الصبايا اللبنانيات!

بالمجتمع النسائي، في لغة وتصرفات ما حدا بيفهمها إلا هني، عالم خاص فين، كلمات خاصة فين وحركات خاصة فين.
مثلا، لما البنات يلتقوا ويكونوا مشتاقين لبعضن، بعبروا عن مشاعرن بالشتايم .. يا بقرة اشتقتلك، يا كلبة وين مختفية صرلك فترة، يلعن شكلك شو بحبك.
والأحلى إنو بس يتخانقوا بدل ما يسبوا بعض، بصيروا يقولا: ليكي حبيبتي .. شو مفكرة حالك يا قلبي انت .. اسمالله عليكي حياتي.
وفي بنات ما بحبوا بعضن، بس بيضطروا انن يكونوا اصحاب، والغيرة بتكون كبيرة بيناتن، بصيروا يتصوروا وينزلوا صورن، مع كابشن كلها حب، بس بالمخفي، بكونوا عم يحكوا على بعضن ” هيدي عقربة .. ما بعرف على شو الشباب بيحكوا معها .. هي مبينة حلوة لأن بتحط كتير ميك آب بس شوفوها بلا مكياج بتقرف”
وهيك يا صبايا، خبرونا عنكن، إنتو أي نوع؟