أسوأ تصريحات سياسية مرت على الشعب اللبناني!

عبر التاريخ، ما مرق أسوأ وأفسد من حكام الدولة اللبنانية، ومش بس هيك، فوق الفساد والإجرام، كمان عندن تصريحات غريبة عجيبة، وبتضحك، متل:

• بكلمة لا داعي للهلع انتصر حمد حسن.

لا وبكل ثقة وزير الصحة المعروف بحبه للدبكة وعزايم الغدا، بخبرنا انو انتصر بوقت عدد الإصابات بفيروس كورونا بالآلاف والوفيات أكتر من وفيات منبع الفيروس، ووهان.

• الليرة بألف خير.

بشرفك يا شيخ الليرة ب 15 الف خير مش بس بألف خير.

• من الإتنين الدولار ب 3200 ليرة.

يا استاذ صار مارق 37 اتنين وبعد ما تغير شي.

• اذا ما تشكلت الحكومة رايحين على جهنم.

طيب فخامتك ممكن تسهّل ولادة هالحكومة شوي بالأملية عمشان صرنا بسابع طابق من جهنم؟

• لازم المواطنين يتشكرونا على دعم المواد الغذائية.
  

طيب ميرسي عمو وزير الإقتصاد بس ياريت تقلنا وين هالمواد المدعومة لأن صرنا على الحديدة.

وطبعا طبعا في كتير غيرن، بس هودي نخبة التصريحات الغريبة يلي ما بتصدر إلا من مسؤولين غير مسؤولين متل حكام لبنان.