نشر شقيق بطل فوج الاطفاء الشهيد رالف ملاحي، دافيد ملاحي، صورة لأخيه على حسابه الخاص على انستغرام مع تعليق.
عشية الذكرى السنوية لانفجار مرفأ بيروت والفاجعة التي حلّت على بيروت، نشر شقيق بطل فوج الاطفاء الشهيد رالف ملاحي، دافيد ملاحي، صورة لأخيه على حسابه الخاص على انستغرام وكتب: “بين المزح والجد صارو سنة يا خيي.
بين المزح والجد صرلك سنة ما جيت على البيت و ما سمعنا صوتك.
بين المزح والجد ضايعين بلاك.
ب ٤ آب بطلت حياتنا تشبه حياتنا.
انكسر ضهري على فراقك واشتقتلك كتير.
ما حدا الو حق ياخدك منا ويحرمك من حياتك وشبابك.
خلص المزح وبلش الجد.
وعد عليي ابقى حامل اسمك وقضيتك لآخر ثانية من عمري.
بوعدك رح جبلك حقك وحق اخواتك ال ٩، بإيدين العدالة او بإيديي.
وعد علييّ حاحضن بيك وامك متل ما انت كنت حاضنن وحاميون وخاف عليون
و عاختنا جيسي، بعيوني حإحميا وضل حدا متل ما انت كنت تعمل.
يا خيي الزغير بدي اطلب منك طلب زغير.
بدي اياك تضل واقف حدي وتصليلنا. بدي القوة يلي كانت بقلبك تعطيني اياها، لضل ماشي بالطريق يلي انت كنت ماشي فيا.
بحبك و حضل حبك لآخر ثانية من عمري.”
