على ما يبدو إنو سنة 2021 مبلشة خير، إذ افتتحنا السنة ب LOCLDOWN طويل عريض لمدة 3 أسابيع ويمكن أكتر.
وطبعا اللبناني ما في يقعد وما يعمل شي بالبيت، كرمال هيك نحنا رح نساعدكم ونعطيكم أفكار عن اشيا ممكن تعملوها انتو وبالبيت، وبذات الوقت تستفيدوا:
- اتعلموا شي طبخة أجنبية وحضروها بالبيت، مثلا اعملوا حلوى الشيروز البرازيلية، طيبة ومكوناتها موجودة بكل البيوت.
- جيبوا ورق اللعب واتسلوا انتو وأهلكم أو إخواتكم، وحتى فيكن تلعبوا ألعاب بتحتاج لذكا وتفكير متل لعبة ال 400.
- وكرمال تحرقوا الكالوريز، بيسوى تعملوا شوية رياضة بقلب البيت.. شو رأكن بالزومبا مثلاً؟
- خصصوا مساحة صغيرة بالبيت للزؤاعة واهتموا بكم شتلة، حتى لو ما طلع عندكن محصول مهم، بكفي اتسليتوا شوي.
- شوية تغيير ديكور بالبيت ما بيشكي من شي، بدلوا مكان الصوفايات، والطاولات، كرمال تكسروا الروتين.
- وشو رأيكن تستفيدوا من وجودكن بالبيت وتقرأوا كم كتاب.. مننصحكن بكتب باولو كويلو، خفيفة نضيفة وسهلة، وفيا كتير دروس وحكم.
- وممكن تتعلموا لغة جديدة، أو على الأقل تقوّوا لغتكن القديمة، بشوية فيديوز على يوتيوب، أو شي تطبيق الكتروني هدفه التدريس.
